Á Egilsstöðum getur munað miklu á því sem veðurspárnar segja og því sem gerist í raun. Ein spá segir logn og sól, önnur rigningu, og stundum hafa þær allar rangt fyrir sér. Mig langaði að vita hver þeirra hefði oftast rétt fyrir sér, og hvort hægt væri að gera betur með því að láta þær vinna saman.
Þannig varð Jolly til: lítið áhugaverkefni sem byrjaði á því að bera spárnar saman við mælingar og hefur síðan lært af hverri einustu klukkustund.
Á klukkutíma fresti sækir Jolly nýjustu spár frá níu veðurlíkönum og ber þær saman við mælingar Veðurstofunnar á Egilsstaðaflugvelli. Hvert líkan fær vægi eftir því hve vel það hefur staðið sig undanfarið. Síðan leiðréttir Jolly þekktar skekkjur: til dæmis að líkönin spá of mikilli úrkomu í suðaustanátt (regnskuggi yfir Héraði) og of hlýju á kyrrum, heiðskírum nóttum. Fyrstu klukkustundirnar er spáin líka færð að því sem stöðin mælir akkúrat núna.
Öll líkönin eiga það sameiginlegt að spá of mikilli úrkomu í suðaustanátt og gera lítið úr kuldanum á kyrrum vetrarnóttum. Það eru einmitt hlutirnir sem Jolly leiðréttir.
Flestir fá veðrið frá RÚV, sem notar spá Veðurstofunnar, eða úr veðurappinu í símanum. iPhone og Android nota hnattlíkön (NOAA, ECMWF, þýsku og frönsku veðurstofurnar o.fl.) en ekkert íslenskt líkan. Svona hefur hitaspáin næstu klukkustundir staðist hér á Egilsstöðum:
* Ekki er hægt að sækja spár símaappanna beint, svo hér er notað meðaltal hnattlíkananna sem þau byggja á. Það er nálgun.
Síðustu vikur hefur Jolly verið nákvæmari en bæði yr.no og vedur.is í flestum samanburðum, mest næstu klukkustundirnar.
Tölurnar eru reiknaðar sjálfkrafa á klukkutíma fresti úr mælingum síðustu 14 daga. Samanburð dag fyrir dag má sjá á síðunni „Nánari upplýsingar“.